Қазақстанда қыркүйек айының әрбір екінші жексенбісінде аталып өтілетін Отбасы күні мерекесіне орай "Асыл ана" аналар мектебінің жетекшісі З.Күзенованың ұйымдастыруымен "Отбасым-бақыт мекенім" атты дөңгелек үстел өтті. Мақсаты: отбасы институтын нығайтуға, қазақстандық отбасының оң имиджін насихаттауға, жауапты ерлі-зайыптылықтың маңыздылығын тануға, ата-аналардың бала тәрбиесіндегі жауапкершілігін арттыруға, оқушыларға отбасының адам өміріндегі маңыздылығын түсіндіруге бағытталған. Дөңгелек үстелге ауылымыздың көп балалы отбасылары қонақ ретінде шақырылды. Шара барысында үлкен отбасылы әжелеріміз, көп балалы отбасылардың тату-тәтті өмір сүру маңыздылығымен бөлісе отырып, рухани құндылықтарға толы, мағынасы терең әңгімелерімен бөлісті. Шара соңында ата-әжелеріміз өз алғыстарын білдірді. Ақпарат көзі: "Қопа орта мектебі" КММ