"Қопа орта мектебі" КММ-де 1-қыркүйек білім күні мерекесіне орай "Білімге ұмтылу, еңбексүйгіштік және отаншылдық қасиет"тақырыбымен алғашқы қоңырау салтанатты жиыны өтті. Жиынға қатысушылар МАД және 1-11 сынып оқушылары. Сонымен қатар салтанатты жиынға Қопа селолық округінің әкімі Жұмабаев Әміржан Ғалымұлы, ардагер ұстаз - Жалдыбеков Аманғали, мектеп директоры Есболаев Аралбек Қошмұқанұлы, Аудандық білім бөлімі жанындағы әдістемелік кабинет әдіскері Берік Бектемір Нәженұлы қатысып,құттықтау сөз сөйледі. Мектеп табалдырығын алғаш аттағалы отырған 1-сынып оқушыларына, білімге деген құштарлығын ояту мақсатында мектебіміздің кітапханашысы мен 11-сынып оқушылары салтанатты түрде әліппе табыстады.Жиын соңы дәстүрлі түрде алғашқы қоңырау соғу рәсімімен аяқталды.Жиыннан кейін барлық сыныптарда "Терең білім, Еңбекқорлық және Отаншылдық қасиет" атты тәрбие сағаттары өтті.

Ақпарат көзі: "Қопа орта мектебі" КММ.