5-қыркүйек Ахмет Байтұрсыновтың туған күніне орай, мектеп тәлімгері Жетпіс Әйгеріммен

бірлесе отырып, «Тіл тазалығы» атты жиын өткізілді.

Мақсаты: Оқушылардың А.Байтұрсыновтың өмір жолы мен шығармашылығы туралы танымдық деңгейін көтеру, тіл мерекесінің маңыздылығын түсіндіру. Шара барысында ұлт ұстазының өмір баяны таныстырылып, өлеңдері оқылды.

Шығармашылығынан қосымша сұрақтар қойып, ынталандыру сыйлықтары табыс етілді.

20-қазан Мұзафар Әлімбаевтың туғанына 100 жыл толуына орай М.Әлімбаев туралы білімдерін кеңейту, балаларға арналған шығармаларын, олардың жазылу тарихын таныстыру. Өлеңдерін жатқа айта отырып, мәнерлеп оқу үлгілерін жетілдіру, өмір жолы, еңбек жолы туралы мәлімет беру мақсатында ''Бала деп соққан бауырмал жүрек'' атты ақын шығармашылығынан әдеби сазды кеш өтті. 

Ертегі оқып өсеміз. Қожанасыр қызықтары

«Оқуға құштар мектеп» жобасы аясында 1 мен 4 сынып оқушылары арасында, «Ертегі оқып өсеміз»  атты еркін әңгімелесу өтті. Алдаркөсе мен Қожанасырдың қызықты хикаяларын айта отырып, балалардың тіл байлығын, ой-өрісін , танымдық қабілеттерін тәрбиелеу шараның негізгі мақсаты болды.

 «Менің отаным – Қазақстан»  Республика күні

Оқушыларды Отансүйгіштікке, адамгершілікке, Отанына, халқына адал қызмет етуге, халқының тегін, тарихын білуге тәрбиелеу мақсатында «Менің отаным-Қазақстан» атты танымдық шара өтті.

1990 жылғы 25 қазан –Қазақстанның егемендігі мен тәуелсіздігіне батыл қадам жасалған күн. Оқушыларға тәуелсіздіктің мән-мағынасы терең түсіндіріліп, бірқатар сұрақтар қойылды.

Ұлттық валюта-теңгенің 30 жылдығына орай мектебімізде дөңгелек үстел өтті. 5-6  сынып оқушылары арасында өткен кездесуде валюталық қарым-қатынастарды нығайтудағы теңгенің қызметі, тарихы, қолданыстағымаңызы сынды мәселелер талқыланды.

Абайдың қара сөздері

Қопа орта мектебі КММ-де ойшыл Ұлы Абайдың «Абайдың қара сөздері –халық мұрасы» тақырыбындағы әдеби-танымдық кеш өтті. Бұл шараға оқушылар қатысып, Хакім Абайдың қара сөздерін мәнерлеп оқып, ақынның терең философиялық ой-тұжырымдарын өз түсініктері бойынша ортаға салды. Белсенді қатысқан оқушылар арнайы сертификаттармен марапатталды.

 «Тәуелсіз елімнің ертеңі-болашақ ұрпақ»

Тәуелсіздік ұғымына тереңірек мән беріп,оқырманға ой салу мақсатында мектебімізде «Тәуелсіздік елімнің ертеңі-болашақ ұрпақ» атты танымдық сабақ өтті. Сабақ барысында кітапханашы Бейбіт Г атаулы жылдарды сөйлете отырып, Қазақстанның беймәлім тұстарын ашып, оқушыларды тарихтың қойнауына сапар шеккізді. Тәуелсіздікке дейінгі еліміздің бастан кешкен зұлмат жылдар көрінісін оқушылар әнмен жеткізді.

«Бір-апта, бір-кітап, бір-сынып»

Қаңтар айының 9-шы жұлдызынан бастап мектебімізде «1 апта-1 сынып -1 кітап» атты шара өз жұмысын бастады.  Шараның мақсаты : оқушыларды кітап оқуға шақыру, ақын-жазушылардың шығармашылығын сүйіп оқуға, өмірін, қасиеттерін үлгі ете отырып, білім-ғылымға құмарлығын арттыру. Әр апта сайын бір сынып өздерінің қалаған кітаптарын оқып, ұнаған жерінен үзінді айтып береді.